Baligtad

Araw-araw, paulit-ulit.
Gising, kain, ligo, bihis, byahe
Pagsakay sa dyip
Usok ang bumabalot paligid
Ang tulalang mga mata
Nakatingin sa kawalan
Nag-aabang ka lang lagi ng senyas
Kelan ba pwedeng tumigil?
At patuloy lang ang lakad
Binabagtas ang lumang linya
Ng kalsadang kabisado mo na
Pare-pareho ang itsura
Naghalu-halong mga mukha
Tumitingin, ngunit walang nakikita
Hindi pinapansin
Dinadaanan lang at hindi napapansin
Sa iyong mata ang mundo ay hindi nag-iiba
Pero
Hindi mo alam na ikaw lang ang hindi nagbabago
Advertisements